Қазақ елінің астанасында өтіп жатқан Азия чемпионатында жамбылдық балуан Данияр Шамшаев жеңіске жетті. Ол 73 келі салмақ дәрежесінде күрске шығып, өзбек балуаны Муроджан Юлдошовты аз ғана секундтар ішінде «иппон» әдісімен қапы қалдырды.
Данияр финалға дейін қырғыз балуаны Шыңғысхан Сағынғалиевті де «иппон» әдісімен ұтқан болатын.
Бұған дейін Азия чемпионатындағы қазақ балуандары Ғұсман Қырғызбаев (66 келі) пен Мағжан Шәмшәдин (60 келі) қола медальді қанағат тұтса, мықты да сұлу қызымыз Әбиба Әбужақынова (48 келі) күміс медалға ие болған.
Азия чемионатындағы алғашқы алтын құтты болсын, қазақстандықтар!
Дереккөз: Naizager.kz
