Тараз қаласындағы Жамбыл даңғылы №18 мекен-жайына орналасқан Әлеуметтік сауда орталығы алаңында ауыл шаруашылығы өнімдерінің жәрмеңкесі өтті. Жәрмеңкеде облыс аудандары мен Тараз қаласының тауар өндірушілерінің өнімдерімен қатар «Тараз» әлеуметтік кәсіпкерлік корпорациясының азық-түліктері де сатылды.
«Тараз» ӘКК» АҚ тарапынан 5 тонна картоп, 4 тонна сәбіз, 2 тонна қырыққабат сатылымға шығарылды. Жәрмеңкедегі әлеуметтік тұрақтандыру қоры тауарларының бағасы нарық бағасынан төмен болды. Атап айтқанда, картоп — 130 теңге, сәбіз — 95 теңге, капуста — 120 теңгеден сатылды.
Сонымен қатар, жәрмеңкеге Әлеуметтік дүкендер желісінен әлеуметтік маңызы бар азық-түлік тауарлары да шығарылды. Нақтырақ айтқанда ұн, нан, рожки, қарақұмық, күріш, қант, күнбағыс майы, тауық еті, сүт, айран, сары май, жұмыртқа, тұз, сүзбе нарықтаға бағадан төмен бағада сатылымда болды.
Жәрмеңке халықтың азық-түлікке деген сұранысын қанағаттандыруға және бағаны тұрақтандыруға бағытталды.
Жарқын Әбдіжапар,
«Тараз» ӘКК» АҚ өңірлік тұрақтандыру
қорының басшысы.